الحلقة ٣ (حكاية سلمى )
_______حكاية سلمي________
الحلقه التالته:-
انتهت الحصه وخرجت سلمي ولارا وخرج اسر بعدهم ووقف امامهم ومد يده
اسر بإبتسامه/هااي أنا اسر وأنت
سكتت سلمي فردت لارا
لارا/نعم يا اسر
اسر /اي عايز أتعرف عليها بس
سلمي /تمام أنا سلمي
اسر بإبتسامه/اسر
سلمي بجمود /اوك يلا يا لارا
لارا/اوك بااي يا اسر
اسر بحزن/بااي
ايهاب انتيم اسر/اي يا بني المزه مشيت ليه
اسر بفضول/مش عارف يا ايهاب البنت ده غريبه اوي تحسها غامضه عندي فضول اعرف حكايتها وكل حاجه عنها
ايهاب بغمزه/اي دا السناره غمزت ولا اي
اسر/بس يا عم مش فايقلك دلوقتي
ايهاب/اه ما الموزه شغلت بالك بقا بس بصراحه فتكه يعني من أول ما دخلت الفصل وكله بيتكلم عليها
تركه اسر وذهب
ايهاب /لا حول ولا قوه ألا بالله الواد أول مره يشوفها ولحق يغير اوعدنا يارب
نسيب المجنون ده شويه ونروح عند لارا وسلمي
لارا بعتاب/ليه احرجتيه كدا يا سلمي
سلمي بضيق /مكنش قصدي احرجه بس مش ذنبي اني متعاملتش مع ناس قبل كدا مش عارفه اقوله اي
لارا/سلمي انت لازم تتعلمي تتعاملي مع الناس ولازم تتغيري
سلمي /فكك مني دلوقتي أنت هتروحي فين
لارا /عند بابا اي رأيك نخرج انهارده
سلمي/نخرج!!
نخرج نروح فين أنا عمري ما خرجت غير عشان المدرسه أو تدريب الملاكمه أو الدكتور
لارا/متقلقيش أنا هخرجك وهنروح كل حته
سلمي /لارا أنا متعودتش ع كدا وازاي هغير حياتي وروتيني في يوم واحد مقدرش وبعدين عزت بيه ورشا هانم مش هيسمحولي أخرج أو اعيش زي اي حد طبيعي
لارا بحزن/سلمي احنا اتفقنا ع اي
سلمي بحزن /صدقيني مش هقدر يا لارا مش هقدر ابطل كل عاداتي واغير حياتي في يوم واحد مقدرش صدقيني
لارا بحزم/أنا مقولتش في يوم واحد بس ابدئي خطوه خطوه
لأنك لازم تتغيري انت لازم تبقي قوه بطلي تعيطي لأن العايط مش حل لازم تواجهي مشاكلك مش تهربي منها صدقيني الهروب مش حل
اومأت سلمي برأسها ثم قالت/هحاول يا لارا يلا بقا عشان زمان الشوفير جه
لارا/تمام يلا ثم احتضنتها سلمي لما تسمعيهم بيتخانقوا اسمعي ميوزك وفكك منهم
سلمي/اوك باااي
لارا بإبتسامه/باااي
ركبت سلمي السيارة وتوجهت الي المنزل بعد ربع ساعه دخلت المنزل وجدت المكان هادئ للغايه كالعاده فلم تكترث وصعدت الدرج ودخلت غرفتها ابدلت ملابسها وخلدت للنوم
في مكان أخرج في فرنسا بالتحديد في مكتب زين يجلس مع سكرتيره
زين/احجزلي تذكرتين لمصر بعد اسبوع
سمير/تمام يا فندم
زين/قولتلك لما نبقي لوحدنا متكلمنيش برسميه
سمير/تمام يا برنس
زين/بص بقا أنا عايز اخلص شغل شهرين قدام عشان مش تشيل كل الشغل لوحدك فا يلا ايدك معايا اليومين دول عشان ننجز
سمير/تمام يلا
ثم اخذوا يعقدون الصفقات ويوقعون العقود وهكذا
رن هاتف زين
زين /الوو
مني/الوو يا حبيبي هتيجي امتي عشان الغدا
زين/اتغدي أنت يا ماما أنا قدامي كتير
مني/تمام ربنا معاك
زين /تمام باااي
مني/مع السلامه خلي بالك من نفسك
زين/حاضر
ثم أغلق الخط
زين/سمير عايز منك خدمه
سمير/اي
زين/عايز كل المعلومات عن عزت الدمنهوري
سمير بقلق/أنت ناوي ع اي يا زين أنا قولت نزول مصر فجأة ده وراه حاجه
زين بإبتسامه خبيثه/ناوي ع كل خير ان شاء الله
سمير/مش مطمن بصراحه
زين/مش لازم المهم هتجيبلي المعلومات امتي
سمير/ع بكره بليل كدا
زين/تمام
في مصر في منزل اسر يجلس مع والده
اسر بتردد/باابا
معتز/نعم يا حبيبي
اسر/هي ليه سلمي ده غريبه اوي تحسها غامضه كدا
ضحك معتز ع فضول ابنه/ازاي يعني
اسر/مبتتكلمش مع حد خالص غير لارا لأنها هي الي كلمتها وأنت عارف لارا وزنها
معتز/ممكن مبتحبش تختلط بحد
اسر /ممكن أنا هنام بقا تصبح ع خير
معتز/وأنت من اهله يا حبيبي
في صباااح مليئ بالمفاجأت
تستيقظ سلمي ببرود كالعاده ترتدي ملابس المدرسة وتقوم بعمل شعرها ع هيئه ديل حصان ثم تأخذ حقيبتها وتتجهه للاسفل
ذهبت إلى المطبخ وجدت دادا سعاد تقوم بعمل الافطار
سعاد بإبتسامه/صباح الخير يا سوسو نمتي كويس
سلمي /اه يا دادا هو عزت بيه ورشا هانم فين
سعاد/الاتنين مش هنا من امبارح
سلمي/احسن يارب ما يرجعوا تاني
ضحكت سعاد ع طريقه كلام سلمي ثم قالت /أنا حساكي متغيره من امبارح في أي
سلمي/متغيره ازاي يعني
سعاد/يعني بتضحكي وبتتكلمي لوحدك من غير ما اكلمك وبتفتحي مواضيع وكدا اي سر التغيير ده بقا
سلمي بإبتسامه/اتعرفت ع بنت كيوت وجميله اوي وبتضحكني من غير مجهود ومطتفله وفضوليه ومرحه ولذيذه اوي
سعاد بإبتسامه/شكلك حبيتيها اوي يا سمسمتي
سلمي/اوي اوي يا دادا هي تتحب اصلا
سعاد/ربنا يسعدك يا بنتي ويبعتلك ولاد الحلال دائما
سلمي/يلا بقا أنا اتأخرت
سعاد/خلاص خلصت اهووو
تناولت سلمي الافطار وقامت بتوديع سعاد ثم اوصلها السائق الي المدرسة
في فرنسا
زين/جبت المعلومات يا سمير
سمير/اه يا زين
زين/طيب هات
اعطاه سمير ملف وقام زين بقرائته ثم قال بخبث /ده عنده بنت ده اللعب شكله هيحلو اووي
حسابك معايا كبير يا عزت الدمنهوري بس ملحوق عليه
_______________________
| الحلقة التالية |
تعليقات